Panairi Nacional i Punës dhe Karrierës 2020 do të mirëpresë një numër të madh të kompanive dhe institucioneve të cilat do të ofrojnë mundësi punësimi, punë praktike dhe karriere në fusha të ndryshme. Në kuadër të panairit ju do të mund të informoheni edhe për mundësitë e ndryshme për bursa, trajnime dhe seminare.
Mos e humbisni këtë rast!
Vizitoje panairin në mënyrë virtuale, tako punëdhënësin tënd potencial dhe zbulo mundësitë për vazhdimin e karrierës tuaj!

Ruani datën 25 nentor 2020 për Panairin Nacional të Punës dhe Karrierës 
Mbi 100 kompani dhe institucione pjesëmarrëse po përgatiten të prezantojnë ofertat e tyre për vende pune, mundësi për bursa, trajnime dhe seminare në një format komplet të ri.
Panairi Nacional i Punës dhe Karrierës përfaqëson një burim të mundësive për zhvillimin e karrierës për qytetarët e Kosovës. Këtë vit, në përshtatje të situatës pandemike në vend, panairi organizohet në formë virtuale.

Ndiqeni faqen zyrtare të ngjarjes dhe përcjellini udhëzimet se si të bëheni pjesë e panairit nga shtëpia juaj. 

Panairi organizohet për të pestin vit me radhë nga Ministria e Punës dhe Mirëqenies Sociale, Agjencia e Punësimit e Republikës së Kosovës, GIZ Kosovo, Universiteti i Prishtinës“Hasan Prishtina” dhe Oda Ekonomike Gjermano-Kosovare.